Zëvendëskryeministri i Italisë Matteo Salvini ka urdhëruar që sulmuesit që akuzohen për përdhunimin në grup të një vajze të mitur në tualetet publike t’i nënshtrohen kastrimit kimik.
“Një bandë prej shtatë egjiptianësh” përdhunoi vajzën, sipas Matteo Salvini, dhe ka “vetëm një kurë: kastrimi kimik”.
Vajza dhe i dashuri i saj u tërhoqën zvarrë nga një grup të rinjsh në një tualet publik, ku dy prej tyre dyshohet se e përdhunuan vajzën në grup ndërsa të tjerët e mbanin të dashurin.
Sipas La Repubblica , shtatë të dyshuar meshkuj, tre prej të cilëve janë të mitur, akuzohen se kanë hyrë në Itali në mënyrë të paligjshme si “të mitur të pashoqëruar” midis nëntorit 2021 dhe marsit 2023. Të dyshuarit, të cilët variojnë nga mosha 15 deri në 19 vjeç, thuhet se janë egjiptianë. .
Ndërsa ishte në Katania për një vizitë të planifikuar, kryeministrja italiane Giorgia Meloni shprehu zemërimin e saj për përdhunimin. Duke i përcjellë ngushëllimet viktimës dhe familjes së saj, ajo u zotua se “drejtësia do të vendoset”.
Salvini njoftoi se partia e tij Lega do të ofronte së shpejti një propozim për kastrimin kimik. Eurodeputetja e partisë, Annalisa Tardino, shtoi: “Ne mbetemi të vendosur në idenë se kastrimi kimik është i nevojshëm për përdhunuesit dhe pedofilët, burgim të përjetshëm për episode të ngjashme, si dhe siguri më e madhe në qytetet tona”.
Ajo gjithashtu kërkoi që të dyshuarit të kthehen në Egjipt pikërisht tani, sipas Daily Mail .
